Det vakraste frå Valdres

språk valdres vakraste

Er du fastbuande, tilreisande, utflytt eller berre litt nysgjerrig på Valdres? Frå julaftan og utover i romjula handlar det om valdresdialekten, nynorsk og tradisjonsrik forteljarkunst i programma her på nettavisa Langsveien.no.

Biletet over: Sokneprest Kristine Indrehaug Fossheim les juleevangeliet i Skrautvål kyrkje.

Med støtte frå, og saman med, Valdres mållag blir det publisert eit program kvar dag frå julaftan klokka 19.00 til og med vesle nyttårsaftan. Valdres Bil AS har også bidrege til produksjonane.

Om programma

Fem av sendingane er eventyr/historier fortalt av Reidun Borgny Dølehuset. Hennar solide tolkingar av eventyra er spelt inn i båe Døvre gamle skule i Skrautvål og i Skattebustogo på Valdres folkemuseum.

 

Eitt av programma handlar om julebukkminna til Reidun Borgny Dølehuset og Håkon Bakkene. Dei to fortel om både skumle og artige romjulsopplevingar, som aldri kjem til å gå i gløymeboka. Den nyoppdaga og litt skumle heimelaga julebukken, med lealaus kjake og dårleg tannstilling i Skrautvål, er også med i sendinga.

Første videoen blir publisert julaftan. Denne er med soknepresten i Nord-Aurdal, Kristine Indrehaug Fossheim, som les juleevangeliet i Skrautvål på nynorsk. Det er museumsdiektør og folkemusikar Ole Aastad Bråten som både syng og spelar langeleik til julebodskapen med songen “Eit barn er fødd i Betlehem”.

Sendingane blir publisert kvar kveld klokka 19.00 på Facebook og Youtube. Dei er gratis og opne for alle.

Kjell Einar Kana (til høgre på biletet ovanfor) frå Kreativ Videoproduksjon og Roy Myrland (til venstre på biletet ovanfor) frå nettavisa Langsveien.no er produsentar.

Til info: Det var allereie i 2005 Nitimen sine lyttarar kåra valdresdialekten til den vakraste i Noreg

https://www.nrk.no/ho/valdresdialekten-landets-vakreste-1.42973

Reidun Borgny Dølehuset og Håkon Bakkene. Foto: Roy Myrland
Reidun Borgny Dølehuset og Håkon Bakkene. Foto: Roy Myrland

Julebukken frå Skrautvål

Døvre skule. Fra venstre og rundt bordet: Anny Myrland, Rigmor Orderdalen Tveit, Håkon Bakkene, Reidun Borgny Dølehuset, Guro Engen og Kari Myrland Skrautvol. Foto: Roy Myrland
Reidun Borgny Dølehuset, Guro Engen og Kari Myrland Skrautvol.
Frå venstre: Roy Myrland, sokneprest Kristine Inderhaug Fossheim og Kjell Einar Kana var alle tre fornøgde etter opptaka i Skrautvål kyrkje.

Ragnhild Kjørli frå Skrautvål Grendelag var dekoratør for programma frå Døvre skule.

Bøker og gradestokk frå Valdres mållag.

Følg oss eller del innholdet med vennene dine:

Ønsker du å bidra til flere slike artikler?
Klikk her


Legg igjen en kommentar

Din e-postadresse vil ikke bli publisert. Obligatoriske felt er merket med *

five × 1 =