Kongevegen over Filefjell – ny vegsjef

Kongevegen over Filefjell - ny vegsjef

Odd Helge Brugrand frå Lærdal er tilsett som dagleg leiar og prosjektleiar for bedriftsnettverket Kongevegen over Filefjell. Via «Kongevegbedrifter Filefjell SA» skal Brugrand styre eit bedriftsnettverk av kring 30 bedrifter i Valdres og Sogn. Med alle sine aktivitetar, ikkje berre Kongevegen, omset bedriftene for om lag 100 millionar kroner i året.

Kongevegen som vandredestinasjon

Styreleiar Knut Horvath Maristuen i Kongevegbedrifter Filefjell SA er glad for at Brugrand takka ja.
-I Odd Helge har vi fått ein som brenn for området og for Kongevegen. Han har god kunnskap om Kongevegen og har det pågangsmotet som trengs for å nå målsetjingane våre. I tillegg til å koordinere drifta av nettverket, skal Brugrand utvikle turpakker, selge og marknadsføre Kongevegen som vandredestinasjon, og utvikle ulike prosjekt, seier Maristuen.

Statsvitar og  journalist

Odd Helge Brugrand er utdanna statsvitar og journalist. Han har jobba i VG, Aftenposten og NRK og var i fleire år utanriksreportar i Aust-Europa. Han har publisert fleire bøker. Brugrand gjekk frå stillinga som undersøkjande journalist i NRK til bedriftsnettverket for Kongevegen i mars.

Ny kongevegsjef: Odd Helge Brugrand fotografert under ein munter augneblink då han vart presentert for årsmøte i Kongevegbedrifter Filefjell SA. Foto: Knut H. Maristuen

-Eg har tru på Kongevegen! Her kan eg utnytte den gode jobben mange folk har gjort før meg til å vidareutvikle eit fantastisk reiselivsprodukt med internasjonalt potensial. Saman med dei flinke verksemdene i nettverket skal me skape utvikling kvar dag. Folk som kjenner meg, veit at lokal næringsutvikling står meg nær, seier Brugrand.

Styres fra Tallin

Han vil styre nettverket frå eit kontor i Tallinn, der Brugrand bur. Men i alle feriar og ikkje minst i sesongen vil han være der Kongevegen er; i Lærdal og i Vang.
Brugrand har tidlegare hatt oppdrag for Kongevegen. Mellom anna har han stått for innhaldsproduksjonen i www.visitkongevegen.no og på Facebook-sida til Kongevegen.

Vegen som knytte landet saman
Kongevegen over Filefjell var den første køyrevegen mellom Austlandet og Vestlandet, beordra av Christian VII (Frederik VI) og bygd i 1790-åra.

I dag er vegen restaurert til ei 10 mil lang vandrerute mellom Vang i Valdres og Lærdalsøyri i Lærdal.

Kongevegen over Filefjell fekk i 2017 EUs høgsthengande kulturminnepris, Europa Nostra, som det første veghistoriske kulturminne nokon gong.
I 2015 fekk Kongevegen over Filefjell «Vegdirektørens Pris» også kalla «Vakre Vegars Pris».

 

Følg oss eller del innholdet med vennene dine:

Ønsker du å bidra til flere slike artikler?
Klikk her


Legg igjen en kommentar

Din e-postadresse vil ikke bli publisert. Obligatoriske felt er merket med *

2 × one =