Peder Anker i Valdres – Vegbygging og godsekspansjon før 1814

Peder Anker i Valdres - Vegbygging og godsekspansjon før 1814

Sundag 10. november inviterer Valdresmusea til foredrag på Bagn Bygdesamling. Då kjem historikar og forskar Bård Frydenlund som har skrive biografien om Peder Anker, og som elles er direktør ved Eidsvoll 1814. Temaet er Peder Anker og Valdres; om vegbygging og godsekspansjon før 1814.

Historikar og forskar Bård Frydenlund som har skrive biografien om Peder Anker.
Landets fremste

Stormannen Peder Anker var landets fremste finansfyrste då han i november 1814 vart utnemnt til Noregs fyrste statsminister i Stockholm. Fram til då hadde han kombinert omfattande gods- og bruksdrift med embetsførsel, og private og offentlege interesser kryssa ofte grenser i det han gjorde – slik praksisen var i det gamle veldet.

Sette spor

I Valdres sette Peder Anker spor etter seg både når det gjaldt offentleg vegbygging og privat godsekspansjon. Kongen i København hadde utnemnt Anker til å få fortgang i prestisjeprosjektet Den bergenske kongeveg, og den lukrative trelasteksporten kravde omfattande skogoppkjøp i både Land og Valdres. Dette var aktivitetar som skulle føre med seg både nye vennskapsband og konfliktar.

TID: Sundag 10. november 2019 kl. 18.00 STAD: Bagn Bygdesamling PRIS: Kr 100

Valdresmusea.no

Følg oss eller del innholdet med vennene dine:

Ønsker du å bidra til flere slike artikler?
Klikk her


Legg igjen en kommentar

Din e-postadresse vil ikke bli publisert. Obligatoriske felt er merket med *

three × four =