Spektakulært Valdresløp på Vaset – med sterke prestasjonar, storslagen natur og unik stemning.
Biletet over: Frank Wangensten Mo med den ekslusive T-skjorta du kan lese meir om lenger ned i artikkelen
Takk til Prosess Automasjon A/S Byggtorget Fosheim Sag Rein Frå Jotunheimen Fossen Camping Fagernes og Byggtekniker Frode Lybekk Bertelrud A/S for annonsestøtta til denne artikkelen.
Med Jotunheimen som kulisse og Valdresfjella på alle kantar, vart Valdresløpet arrangert på Vaset i Vestre Slidre laurdag 13. september. På programmet stod barneløp, kvartmaraton og halvmaraton – og til saman 126 deltakarar stilte til start.
Løpet er ikkje blant dei største eller mest kjende i landet, men naturen og atmosfæren gjer det heilt spesielt. Deltakarane fekk både bryne seg på tunge bakkar og krevjande terreng – og nyte utsiktar som få andre løp kan konkurrere med.
Ein del av Valdrestrippelen
Valdresløpet er del av den populære Valdrestrippelen, som også omfattar Valdresrittet på sykkel og Valdresrennet på ski. Alle tre arrangement har start og mål på Vaset stadion, og vert drive fram av Vestre Slidre IL. Med primus motor Frank Wangensten Mo i spissen, stiller frivillige i alderen 10 til 75 år opp og sørgjer for at alt fungerer som det skal.
Resultat og prestasjonar
Resultatlistene viste sterke prestasjonar både i halvmaraton og ¼-maraton. (Sjå fullstendige tider og namn på EQ Timing.) To utøvarar fekk i tillegg den eksklusive svarte T-skjorta – beviset på at dei har fullført heile Valdrestrippelen.
Ein heilt spesiell stemning
Det er noko eige ved stemninga på Vaset når det er konkurransar på stadion. Ho er lun og folkeleg, med lokale eldsjeler i alle ledd. Dei sørgjer for at både byfolk og tilreisande gjestar kjenner at dei er «heime att» – midt i det som gjerne blir kalla hovudstaden på stølsvidda.
Biletet over frå venstre: Frank Wangensten Mo, løpsleder og Thomas Bråthen, ildsjel og digitalt ansvarlig for «Valdrestrippelen» se her: https://www.valdrestrippelen.no/valdreslopet
Med dagens vellykka arrangement har Valdresløpet nok ein gong vist at ein ikkje treng vere størst for å vere blant dei finaste. Når løypa slyngjer seg gjennom høgfjellsterreng og utsikta til tindar og toppar følgjer kvart steg, er det lett å skjøne kvifor stadig fleire får auga opp for dette løpet.
