Høsten har kome til Jotunheimen og Vågå Tamrein A/S har samla dyra sine.
Takk til Meny Søndersrød, Helgeroa Bygningstekniker Frode Lybekk Bertelrud Brun Bygg As og Prosess Automasjon A/S for annonsestøtte til artikkel og video.
Snøen har lagt seg på dei høgaste toppane, medan sola skin over Valdresflye. Her samlar Vågå Tamrein A/S den store reinsdyrflokken som har beita fritt i fjellet heile sommaren, m. a. ved Besseggen. Forventningane er store når små og store står klare – hundar, dronar, helikopter og gjetarar har gjort jobben sin, og reinsdyra er trygt drivne inn i samlekveet.
Leder Bjørn Benrud fortel at laget har drøyt 1000 andelar, fordelt på godt over 200 andelshavarane som alle bor i Vågå kommune. Høstslaktinga er årets «høgtidsstund», ei samling som dreg både innanbygds og utanbygds folk til fjells. Rundt 40–50 personar deltek i arbeidet med å samle inn og sortere dei kring 3000 dyra, både vaksne og kalvar.
Samlekveet og silen ligg på austsida av fv. 51 på Valdresflye. Her kan dei seks gjetarane, inkludert to sommarhjelperar, fornøgde slå fast at reinsdyra er i topp stand – med gode slaktevekter i vente.
Og for dei som vil ha smaken av fjellet med seg heim, er reinsdyrkjøtet tilgjengeleg i butikk under merket «Rein frå Jotunheimen». Dermed kan dei rundt 60 000 som har gått Besseggen i sommar, enkelt kjøpe med seg kjøt frå det same fjellområdet der dei gode turminna vart skapte. For dei mest ivrige er det til og med mogleg å sikre seg heile skrotter direkte på slaktplassen.
– Dette er meir enn berre næring. Det er kultur, samhald og identitet, seier Benrud, medan haustsola lyser over reinsflokken.
