Stein Holen (biletet over) vart tildelt Gjendeprisen 2026 under Gjendefestivalen i Gjendeosen 8. august. For tredje gong delte Bernt Jo Vole i Visit Gjende A/S ut prisen – og også i år gjekk heidersutnemninga til ein særdeles verdig og samfunnsengasjert mottakar, som gjennom både kvardag og fritid legg ned ein stor innsats for at tilværet skal bli så godt som mogleg for sambygdingar og andre.
Ei stor takk til Brun Bygg, Beitostølen Anlegg, Gjendebåten, Rein frå Jotunheimenog Rørlegger Brager A/S for verdifull annonsestøtte til Langsveien.no!
Ei stor takk til Brun Bygg, Beitostølen Anlegg, Gjendebåten, Rein frå Jotunheimen og Rørlegger Brager for verdifull annonsestøtte til Langsveien.no!
Grunngjevinga for årets Gjendepris
Frå scena las Vole opp den grundige og humoristiske «CV-en» til prisvinnaren (sjå og høyr i videoen), før Stein Holen kunne ta imot både den synlege prisen – ein statue – og ein knitrande sjekk på heile 10 000 blanke «Sjodalsdalar».
Gjendefestivalen, som blir arrangert av Visit Gjende AS, var igjen godt besøkt. I konsertteltet framfor Gjendeosen Café fekk publikum verkeleg valuta for pengane etter at prisen var delt ut.
Bandet 5Åver, med musikarar frå Lalm og Vågå, serverte energisk bluegrass og solide låtar. Tolkningane deira av songane til Staut og Hellbillies gjekk originalane ein høg gang, meinte fleire i publikum.
Deretter entra Get Rhythm, eit Johnny Cash-tribute-band frå Gausdal, scena. Dei sørgde for at kvelden vart avslutta med countrymusikk av beste merke, i ein både stilmessig og musikalsk helprofesjonell konsert.
Foto, tekst og video: Roy Myrland / www.langsvegen.no
